លោក វង្ស អេង អភិបាល នៃគណៈអភិបាលស្រុក ដឹកនាំក្រុមការងាររដ្ឋាបាលស្រុកចូលរួមកម្មវិធីក្រុងពាលី បញ្ចុះបឋមសីលា បុកគ្រឹះសាងសង់អគារសាលាបឋមសិក្សាគៀនជង្រុក

 

ថ្ងៃសៅរ៍ ៦ កើត ខែផល្គុន ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃ ទី២៥ ខែកុម្ភៈ ឆ្នាំ២០២៣ លោក វង្ស អេង អភិបាល នៃគណៈអភិបាលស្រុក ដឹកនាំក្រុមការងាររដ្ឋាបាលស្រុក មាន លោក លោកស្រី អភិបាលរងស្រុក មន្ត្រី​រាជការ​ចំណុះរដ្ឋបាលស្រុក កងកម្លាំង​ អាជ្ញាធរឃុំ ភូមិ យុវជនស្រុក លោកគ្រូ អ្នកគ្រូ សិស្សានុសិស្ស និងមាតាបិតាសិស្ស ចូលរួមកម្មវិធីក្រុងពាលី បញ្ចុះបឋមសីលា បុកគ្រឹះសាងសង់អគារសាលាបឋមសិក្សាគៀនជង្រុក ស្ថិតនៅភូមិគៀនជង្រុក ឃុំអូរសោម ស្រុកវាលវែង ដែលជាអំណោយដ៏ថ្លៃថ្លារបស់ ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ ក្រោមអធិបតីភាព ឯកឧត្តមបណ្ឌិត ទី ថានី អ្នកតំណាងរាស្ត្រមណ្ឌលពោធិ៍សាត់ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកវាលវែង ។

ក្នងពិធី​ក្រុង​ពាលី​បញ្ចុះ​បឋម​សិលា បាន​ដំណើរ​ការ​ទៅ​តាម​កម្ម​វិធី​បាន​គ្រោង​ទុក្ខ​ដោយ​ ឯកឧត្តមបណ្ឌិត ទី ថានី ​និង​សហការី​ទាំង​អស់​បាន​ចូល​រួម​ធ្វើ​ការ​អុជ​ធូប ​និង​បួង​សួងសុំ​នូវ​សេចក្តី​សុខ​សប្បាយ​ពី​ម្ចាស់​ទឹក​ ម្ចាស់​ដី ​ដែល​ថែ​រក្សា​ព្រៃ​ភ្នំ​ ក្រំ​ថ្ម ​ព្រ​ម​ទាំង​បាន​សែន​ នូវ​សំណែន ​គ្រឿង​សក្ការ​បូជា ​និង​បួង​សួង​ដល់​គុណ​បុណ្យ​ព្រះ​រតនៈ​ត្រែយ៏​ វត្ថុ​សាក​សិទ្ធ​ក្នុង​លោក ​ទស្ស​បូរមី​ តាម​ថែ​រក្សា​ភូមិ​ករ​ សូម​អោយ​ជួយ​បី​បាច់​ថែ​រក្សា​ក្នុង​ដំណើរ​ការ​សាង​សង់​អគារ​ថ្មី​នេះ​ អោយ​ទទួល​បាន​សុវត្ថិ​ភាព ​និង​សេចក្តី​សុខ ​សេចក្តី​ចំរើន​។

លោកអភិបាលបានបន្តរទៀតថាជាការកត់សម្គាល់ខួបអនុស្សាវរីយ៍លើកទី៤៣ ៧មករា ១៩៧៩ និង ៧មករា ២០២២ ក្រោមការដឹកនាំដ៏ឈ្លាសវៃរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា  បានធ្វើឱ្យប្រទេសជាតិមានសុខសន្តិភាពផ្ដល់ឱកាសឱ្យយើងទាំងអស់គ្នាបានជួបជុំគ្នាថ្ងៃនេះដើម្បីបញ្ចុះបឋមសីលាយជូនបងប្អូនប្រជាពលរដ្ឋយើង
ជាងនេះទៅទៀតបានគូសបញ្ជាក់បន្ថែមពីសារសំខាន់នៃកត្តាសុខសន្តិភាពដែលផ្ដល់ឱកាសឱ្យយើងបានកសាងហេដ្ឋារចនាសម្ព័ន្ធផ្លូវថ្នល់ទាក់ទាញវិនិយោគិនមកបណ្ដាក់ទុននៅកម្ពុជាទាក់ទាញទេសចរណ៍មកលេងកម្ពុជានាំយកផលិតផលទៅលក់នៅបរទេសបង្កើតការងារធ្វើជូនបងប្អូនប្រជាពលរដ្ឋ។

សូមបញ្ជាក់ផងថាឯកឧត្តមបណ្ឌិត តែងតែយកចិត្តទុកដាក់ ប្រជាពលរដ្ឋក្នុងស្រុក  ព្រម​ទាំងការ​យក​ចិត្ត​ដាក់​ក្នុង​ការ​ឧបត្ថម្ភ​ផ្តល់​គ្រឿង​សម្ភារៈ​ផ្សេងៗ។

ជាចុងក្រោយ លោកអភិបាលបាន​ថ្លែង​អំណរ​គុណ​យ៉ាង​ជ្រាលជ្រៅ​ចំពោះ ឯកឧត្តម   ឯកឧត្តមបណ្ឌិត ទី ថានី និង​លោក​ជំទាវ​ ដែល​បាន​ជូន​អគារ​ដល់​សិស្សានុសិស្ស​ ដែល​អគារ​នេះ​បន្ទាប់​ពី​សាង​សង់​រួច​ទៅ​ និង​ប្រយោជន៏​ធំ​ធេង ​ដល់​ប្រជាពលរដ្ឋក្នុកស្រុក៕