Home > ព័ត៌មានជាតិ > ព័ត៌មានអន្តរជាតិ > WHOកែប្រែអនុសាសន៍លើការចាក់វ៉ាក់សាំងប្រឆាំងCOVID

WHOកែប្រែអនុសាសន៍លើការចាក់វ៉ាក់សាំងប្រឆាំងCOVID

March 29, 2023 ព័ត៌មានជាតិ, ព័ត៌មានអន្តរជាតិ

អង្គការWHO ៖ អង្គការសុខភាពពិភពលោកWHO វាយត ម្លៃនាពេលនេះថា បណ្ដាមនុស្សពេញវ័យមានសុខភាពល្អលែងចាំបាច់ចាក់វ៉ាក់សាំងប្រឆាំងកូវីដ-១៩ ដូសបន្ថែមហៅដូសជម្រុញ ទៀត ព្រោះផលល្អសម្រាប់សុខភាពហាក់មានស្ដួចស្ដើង។

ក្រុមពិគ្រោះយោបល់យុទ្ធសាស្ត្រ របស់បណ្ដាអ្នកជំនាញការខាងវ៉ាក់សាំងSAGE នៃអង្គការសុខភាពពិភពលោក បានចេញអនុសាសន៍នានា ក្រោយកិច្ចប្រជុំរបស់ខ្លួនក្នុងសប្ដាហ៍នេះនៅក្រុងហ្សឺណែវ។

អនុសាសន៍ថ្មីៗរបស់SAGE ឆ្លុះបញ្ចាំងពីលក្ខណៈសម្បត្តិរបស់វីរុសប្រភេទអូមីក្រុង និងកម្រិតខ្ពស់នៃភាពស៊ាំដោយសារការចាក់វ៉ាក់សាំង ដែលពេលនេះប្រជាជនពិភពលោកបានទទួល។ អូមីក្រុងឆ្លងរហ័សតែមិនមានគ្រោះថ្នាក់ធ្ងន់ធ្ងរ ហើយប្រជាជនភាគច្រើនទទួលបានការចាក់វ៉ាក់សាំង។

SAGEបានស្នើប្រភេទថ្មី៣នៃអាទិភាពសម្រាប់ចាក់វ៉ាក់សាំងប្រឆាំងកូវីដ យោងទៅតាមស្ថានភាពនៃគ្រោះថ្នាក់វិវត្តន៍ទៅរកភាពធ្ងន់ធ្ងរនៃជំងឺឬការស្លាប់ កម្រិតខ្ពស់ កម្រិតមធ្យមឬកម្រិតខ្សោយ។ ការចាក់វ៉ាក់សាំងដូសជម្រុញត្រូវមានចន្លោះពេលពី៦ខែទៅ១២ខែយោងតាមស្ថានភាពជាក់ស្ដែង។

ផ្ទុយទៅវិញបណ្ដាមនុស្សវ័យចាស់ខ្លាំង បណ្ដាមនុស្សពេញវ័យដែលមានភាពស៊ាំខ្សោយ នារីមានផ្ទៃពោះនិងបណ្ដាបុគ្គលិកសុខាភិបាលនៅជួរមុខ ស្នើចាក់វ៉ាក់ឆាំងដូសបន្ថែមក្រោយចាក់ដូសមូលដ្ឋាននិងដូសបន្ថែមលើកទីមួយ ដោយដូសជម្រុញគួរចាក់ចន្លោះពេលគ្នាពី៦ទៅ១២ខែ៕