រដ្ឋបាលខេត្តកំពង់ធំ រៀបចំកិច្ចប្រជុំឆ្លងសេចក្តីព្រាងកម្មវិធីវិនិយោគ បីឆ្នាំរំកិល ២០២៥-២០២៧

ខេត្តកំពង់ធំ)៖ ឯកឧត្តម ហុីម​ លីម៉េង​ អភិបាលរងខេត្តកំពង់ធំ​ នាព្រឹកថ្ងៃទី ២៣​ ខែមករា​ ឆ្នាំ២០២៥ អញ្ជើញដឹកនាំកិច្ចប្រជុំឆ្លងសេចក្តីព្រាងកម្មវិធីវិនិយោគបីឆ្នាំរំកិល(​ ២០២៥-២០២៧ ) ដើម្បីពិនិត្យឡើងវិញនូវភាពត្រឹមត្រូវនៃ ដំណើរការកម្មវិធីវិនិយោគបីឆ្នាំរំកិលមុននឹងដាក់ជូនក្រុមប្រឹក្សាពិនិត្យ និង អនុម័ត ។ 

ជាមួយគ្នានោះដែរ ឯកឧត្តម​  ហុីម​ លីម៉េង ថ្លែងថាការរៀបចំផែនការវិនិយោគបីឆ្នាំរំកិលត្រូវដំណើរការស្របតាមការរៀបចំយុទ្ធសាស្ត្រ ថវិកា និងស្រងប្រមូលផ្តុំនូវធាតុចូលពីគ្រប់ស្ថាប័ន​អង្គភាព​ និងអ្នកពាក់ព័ន្ធក្នុងគោលបំណង ស្វែងយល់រួមគ្នាពីសក្តានុពល ធនធានបញ្ហាប្រឈមតម្រូវការ និងដំណោះស្រាយនានា និងតម្រូវការជាអាទិភាពយ៉ាងពិតប្រាកដរបស់មូលដ្ឋាន។ 

ឯកឧត្តម ហុីម​ លីម៉េង​ អភិបាលរងខេត្តកំពង់ធំ បានស្នើដល់ ថ្នាក់ដឹកនាំមន្ទីរ អង្គភាព មន្ត្រី ជំនាញ ត្រូវយកចិត្តទុកដាក់ ពិនិត្យ និងកែសម្រួលលើសេចក្តីព្រាងកម្មវិធីវិនិយោគបីឆ្នាំ រំកិលឲ្យបានច្បាស់លាស់ និងដោយយកចិត្តទុកដាក់ដើម្បី ប្រជុំឆ្លងក្រុមប្រឹក្សាពិនិត្យ និងអនុម័ត ស្របតាមការ​អភិវឌ្ឍន៍កំណែទម្រង់ការងាររដ្ឋបាលថ្មី​ ដេីម្បីអោយមានភាពរីកចម្រេីនបន្ថែមទៀត។

ប្រភព៖ រដ្ឋបាលខេត្តកំពង់ធំ